Մշո խըռ

Պարի մասին

«Մշո խըռ»-ն այսօր էլ սիրված ու տարածված պար է, հատկապես սասունցիների և մշեցիների ժառանգների շրջանում, ինչպես նաև Թալինի և Արմավիրի տարածաշրջանների գյուղերում։ Առաջին անգամ այն գիտականորեն ուսումնասիրել է պարագետ Սրբուհի Լիսիցյանը։ Պարը մոտ է «Քոչարի»-ին և երբեմն կոչվում է «Սասնա քոչարի»։

«Խըռ» բառը բանասացները տարբեր կերպ են մեկնաբանում՝ «կարմրավուն նշաններով մոխրագույն ձի», «սմբակների դոփյուն», «պոզահարում»։ Պարողները կանգնում են իրար կողքի, ուս ուսի, մեկ շարքով։ Պարում հերթագայում են ձախ ոտքի խորը ծնկածալերն ու աջի մանր զսպանակները։

Աղբյուր՝ «Կարին» ավանդական երգի-պարի համույթ (բացվում է նոր ներդիրում)